La federación nacionalista pide-y al Partido Popular de Corvera que s'asitie de la mesma forma que faen los sos compañeros de partíu n'Uviéu contra les centrales térmiques de gas de Trubia y Aboño por considerales nocives para los intereses del conceyu d'Uviéu, a la escontra la central de gas de Nubleo

Unidá Nacionalista Asturiana quier axuntase a les declaraciones de solidaridá y sofitu que los demás colectivos vecinales, sociales y políticos tán manifestando a la cruzada que la Plataforma ciudadana escontra’l Muro de Cabueñes tien entamada énte la destrucción urbanística de la parroquia xixonesa.

 Dende l’aprobación del plan parcial de la urbanización, UNA vien amosando en tou momentu’l so refugu presentando les correspondientes alegaciones, ensin rempuesta entá dempués d’un añu, denunciando la insostenibilidá ambiental, la destrucción del entornu paisaxísticu y les numberoses irregularidaes.

La Tertulia Pachín de Melás, que dende hai unos meses vien desarrollando en Xixón alderiques abiertos sobre bayura de temes sociales y culturales, anuncia pal próximu xueves 16 d’abril una nueva tertulia baxo’l títulu: “Nacionalismu asturianu na transición”.

Na charra participarán Xosé Lluis Carmona, fundador del Conceyu Nacionalista Astur; Ignaciu Llope, escritor y militante d’Unidá Nacionalista Asturiana; y Patrick Zimmerman, historiador ya investigador del nacionalismu asturianu. Pela so parte la presentación correrá a cargu de Xelu Neira.

IU vota otra vuelta cuando ta nel Gobiernu a la escontra de lo que votaba cuando taba na oposición

La votación de la Xunta Xeneral na que los más de los parlamentarios del PSOE-IU refugaron la propuesta del PP de retirar el plan d’evaluación del profesoráu que tantu maltar ta causando na enseñanza pública non universitaria y que fue ún de los detonantes de la masiva fuelga xeneral del pasáu día 1 d’abril, dexa a les clares la hipocresía de la mayoría gubernamental.