Unidá Nacionalista Asturiana rechaza'l plan direutor pa la construcción del nuevu Centru de Salú ya  calificalo como’l cierre enmascarau de l’Hospital de Cangas del Narcea, dexandu l'Hospital cumu una dependencia mas del HUCA a ou van tener que desplazase tous los cangueses si se fai realidá el plan.

UNA-Cangas muesa  la sua preocupación ya malestar pola agresión ensin precedentes a los ciudadanos de tou’l Suroccidente col nuevu plan direutor pa l’Hospital Carmen y Severo Ochoa. Miguel Ánxel Díez Coordinador d'UNA afirma que " los cangueses ya los asturianos nun podemos permitir que’l gobiernu asturianu sistemáticamente mos quite servicios públicos d’una manera tan descarada, l’Hospital ía imprescindible pa Cangas ya pa tou’l   Suroccidente incluyiu Tineu que col nuevu plan pasaría a depender del HUCA". UNA quier denunciar la vergoñosa complicidá de los alcaldes socialistas del Suroccidente nesti ataque a los ciudadanos que busca’l despoblamiento de toa la zona rural asturiana ya en concreto del Suroccidente.