|
Xueves, 12 de Payares de 2009 08:47 |
 La organización nacionalista a traviés de la so portavoz de Xixón, Yolanda González, comparte colos vecinos “la molición polo acionao de la empresa escoyida pol Conceyu de Xixón como asesora nel nuevu procesu de revisión del PXOU "al que nos empobinaron los socesivos barganazos xudiciales que recibiere l’equipu de gobiernu” y ye que pa UNA “habría sopesase amañosamentel’l determín de contratar una empresa que tuvo venceyada a un plan como’l de Llanes, que los tribunales anularon posteriormente”.
Yolanda González señaló que “ún de los motivos principales de l’anulación de PXOU de Llanes per parte del TSXA foi la falta de xustificación de los nuevos suelos urbanos na memoria del PXOU, daqué no que la empresa redactora tuvo una participación clave y que ye una de les problemátiques principales nel PXOU de Xixón, como bien saben los vecinos de la parte rural”.
Pa la portavoz nacionalista el primer problema ye “la forma escoyida de contratación, darréu que sedría deseable que se recurriere a la fórmula del concursu públicu que, de mano, paez abondo más apode n’orde a garantizar la más absoluta tresparencia nesti tema", tema nel que precisamente, una de les acusaciones que nos últimos tiempos se-y fixo al equipu de gobiernu ye’l del oscurantismu.
Pa Yolanda González “si la escoyeta se fixere per concursu públicu podríamos saber los criterios a valorar pola Corporación a la hora de contratar y si ésta yera o nun yera la meyor opción". Esta decisión, al so paecer, "nun fai otro qu’apurrir argumentos a los que yá nun s’enfoten nel bon criteriu del equipu de gobiernu sobre esti particular" y esperen que’l tiempo nun tenga que-yos dar la razón otra vegada. |
